Өнерімен ел жадында қалған

 С. Мұканов атындағы облыстық әмбебап-ғылыми кітапханада Қазақстанның және КРСО-ның халық әртісі, әйгілі әнші Роза Бағланованың туғанына – 95 жыл толуына арналған «Өлең – менің өмірімнің махаббаты» атты әдеби- музыкалық сабақ өтті.
Шараға №2 түзету мектеп – интернатының оқушылары қатысты.

Роза Тәжібайқызы – қазақтың ән өнерін дамытуға айрықша үлес қосқан дарын иесі. Оның Ұлы Отан соғысының отты жылдарында кеңес жауынгерлерінің бойына күшжігер беру мақсатында, оқ пен оттың астында жүріп те ән шырқағанын ерлікке балауға болады. Ән өнерінің тарихында өшпес із қалдырған Роза апамыздың өнер жолы шын мәнінде ерлікпен парапар. Жайдары мінезімең, жарасымды күлкісімен Кеңес Одағының түкпір-түкпіріндегі халықтардың жүрегіне жол таба білді. Өнер иесінің өмір және шығармашылық ғұмыры жайлы кітапханашылар оқушыларға біраз мағлұмат берді.
Кеш барысында Роза Бағланованың өмірінің түрлі кезеңдерінен фотосурет слайды, концерттерінен үзіндірлер көрсетілді. Электронды пианинода балаларға арналып әншінің репертуарынан әндер орындалды. Қазақстан сахнасының жұлдызы туралы екі тілде материалдар жиналған суретті кітап көрмесі жасалды.                                                                                                                  

                                                                                                                             Айгүл Хамзина

                                                                                                                         "Солтүстік Қазақстан"

_____________________________________________________________________________________________

    Хамзина, А. Өнерімен ел жадында қалған // Солтүстік Қазақстан. - 2017. - № 9 (24 қаңтар). - С. 8