Еліміздің өсіп-өркендеуіне, экономиканы нығайтып, мәдениеті гүлденуіне елеулі үлес қосқан ірі мемлекет және қоғам қайраткері Сақан Құсайыновтың өмірі мен қызметіне арналған естеліктер жинағының құрастырылып жарық көруі өте орынды.
С. Құсайыновтың есімі елге кең танымал. Ол халықтың әл-ауқатын, мемлекетіміздің мәртебесін көтеру жолында көп еңбек сіңірген қайраткер. Басшылықтың әр буынында іскерлігімен, ұйымдастырушылық шеберлігімен көзге түскен талантты тұлға.
Кітаптағы естеліктер қазақ және орыс тілдерінде жазылған. Жеңіл оқылады. Көпшілік оқырмандарға арналған бұл кітаптан әркім-ақ жақсы әсер, ғибратты тағлым алары анық.