Қазақ әдебиетінің классигі Мұхтар Әуезовтің «Әдебиет тарихы» 1927 жылы жарық көрген еді. Бірақ ол оқушы қолына тиіп үлгермеді. Кезінде әдебиетке берілген теріс бағалардың «салқыны» тиіп, жазушының көптомдығына да біраз жерлері қысқартылып енгізілген. Енді қоғамымыздағы жариялылыққа орай «Әдебиет тарихы» алғашқы нұсқасымен, толық күйінде ұсынылып отыр.
   Еңбекте халық ауыз әдебиеті, оның жанрлық түрлері талданады. Ғашықтық жырлар, батырлар жыры, ертегілер, ауыз әдебиетінің поэзиялық үлгілері жайлы сөз болады.