Қазақ совет әдебиетінің классигі Мұхтар Әуезовтің бұл кітабына ертерек кезде жазған әңгімелері мен повестері еніп отыр. Жазушының «Қилы заман» атты повесі алғаш рет 1928 жылы жеке кітап болып, араб әрпімен жарияланған болатын. Бұл шығармасында Жетісу жеріндегі Албан руының 1916 жылғы көтерілісі, халықтың ұлттық сана-сезімінің оянуы көркемдік нәр-нақышпен бейнеленген. Қітапқа бұдан басқа «Қараш-Қараш», «Көксерек» т. б. жұртқа мәшһүр шығармалары енгізілді.