2016 жылдың 17 наурызы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында Наурыз мейрамына арналған «Наурыз – мейрам жүректерге нұр сепкен» атты әдеби-музыкалық кеш өтті.
Шараны Сәбит Мұқанов атындағы ОӘҒК-ның қазақ тіліндегі әдебиет бөлімінің басшысы Майра Әшімова жүргізді.
Шараға М.Қозыбаев атындағы СҚМУ жанындағы Тіл және әдебиет институтының студенттері, облыстық педагогикалық қызметкерлердің біліктілігін арттыру институтының қызметкерлері, Әл-Фараби атындағы №18 мектеп оқушылары мен мұғалімдері, гуманитарлық- техникалық колледждің студентері, аталар мен әжелер қатысты.
Шара барысында Наурыз мейрамының тарихы туралы баяндалды, салт-дәстүрлер көрсетіліп, терме, халық әндері орындалып, жас ақындар өздерінің Наурызға арнап шығарған өлеңдерін оқып берді.
Наурыз шашуын «Балқадиша» әжелер ансамблінің мүшесі, өнегелі әже Рамазанва Күлән апа шашты.
Қыдыр ата рөлін Исағұлов Мағзұм ата орындап, батасын берді.
М.Қозыбаев атындағы СҚМУ жанындағы ТІл және әдебиет институтының журналистика бөлімінің 1 курс студенті Құсайынова Әйгерім «Той-думан» әнін орындап берді.
Осы журналистика бөлімінің 1 курс студенті Мәметжан Мұрат Термелер орындап берді.
Тіл және әдебиет институтының 2 курс студенттері Қайруллаева Ақмарал мен Сейтім Алина өздерінің Наурызға арнап шығарған өлеңдерін нақышына келтіріп оқып берді.
Өнер колледжінің 3 курс студенті Жанай Бүркіт қазақтың халық әндері «Гүлдариға», «Дайдидау» мен Иса Байзақовтың «Желдірме» әндерін өте тамаша орындап беріп, кешке жиналғандарды риза етті.
Кешке жиналғандарға Наурыз көже беріліп, Наурыз дастарқанынан дәм татты.
Шараға қатысқандар «Наурыз – мейрам дәстүрлі» атты кітап көрмесін тамашалады.
